MoS hre chiang lo-ah Zoramthanga puh

Zoram Nationalist Party chuan thuchhuah siamin, MNF president Zoramthanga chu inremna thuthlung, Memorandum of Settlement (MoS) hre chiang lo-ah an puh.

ZNP chuan, Lam-muala Remna Ni lawm-naah MNF President chuan India sorkar leh MNF inremna, MoS chungchang a sawiah, MoS chu Inner Line Regulations (ILR) chu kan kutah chauh dah ang leh Mizote thu lo chuan tihdanglam theih a ni lo angin a sawi niin an sawi a, "ILR hi Mizoram sorkar ráwn hmasa lo chuan tihdanglam emaw, paih emaw a ni tur a ni lo tih a ni mai a, kan remtihna tel lo pawhin an tidanglam/paih thei tho a ni," an ti.

ZNP chuan, Central YMA kaihhruaina hnuaia Remna Ni chungchanga thu inchuh leh inchirhthehna a bo telh telh nia sawiin, lawmawm an tih thu an sawi a; remna vanga hnam sipai hawte Aizawl dái Maumual rama hmun an pekah kawlphetha, tui leh inkalpawhna kawng-pui
ṭha pe thuai turin sorkar an chah bawk.