Remna Ni tikhaihlakah Officer pahnih an puh

Lai District Congress Committee chuan thuchhuah siamin, Lawngtlai additional DC R Lalsangluaia leh SDO (Sadar) Lallawmawma te chu Remna Ni lawmna tikhaihlakah an puh a; Remna Ni lawmna atana Mizoram sorkar ruahmanna kalhin thil an ti niin an tarlang.

LDCC chuan, Remna Ni lawmnaah LADC hruaitute programme-a telh an ni lo leh sawm an ni lo chu mak an tih thu an sawi a, "Mizoram sorkar programme tiṭhuanawptu officer-te hi sorkarin a rang lamin Lawngtlai
aṭangin la chhuak se, an phû tâwk hremna pe ngei bawk se kan ti. Tun hnuah chuan tumahin remna leh muanna tiṭhuanawp zawngin hma la lo se kan ti," an ti a ni.