Lawmman pawisa la dawng lo

South Lungpher khawtlang hruaitute chuan, State Level Fire Prevention Committee, Mizoram-in kum 2014-a Lawngtlai district chhunga ram kâng vên hna thawk ṭha lawmman pakhatna dawng tura a thlanah, an pawisa dawn tur Rs. 50,000 chu tun thlengin an la dawng lo niin an sawi.

South Lungpher khawtlang hruaitute chuan, Lawngtlai district-a ram tikâng lo leh venghim ṭha ber lawmman pakhatna chu June 11, 2014-ah an dawng a; lawmmanin a ken pawisa, Rs. 50,000 chu lak chhuah tuma ṭum tam tak office an dawr hnuah pawh an la dawng lo tih an sawi a ni.