Disaster Management Committee ṭhukhawm

State Advisory Committee on Disaster Management chu nimin khan an chairman, DM&R minister C Ngunlianchunga hoin a pisa-ah an ṭhukhawm.

Meeting-ah hian Ministry of Finance thu­chhuak anga CSS nei department-te'n an sum zinga 10%, chhiatna venna leh chhawmdawlna atana ruahman tura tih an hman ṭangkai dan te, National Disaster Management Authority ruahmanna hnuaiah chhiatna thlen thulha tawm himna tur, Multipurpose and Multi-Disaster Utility Shelter sakna turah Mizoram a tel chung­chang te, NDRF chu Lungverh aṭanga CTI Sesawnga sawn leh YMA member 60 kângmei ven dan zirtir chungchangte an rel a ni.

Central YMA-in YMA sub-hqrs leh group YMA-te tana disaster management training neih an rawtna chu meeting chuan an pawm a, department zawng zawngte chu Departmental Disaster Management Plan nei vek tura hriattir nawn leh ni se, an ti bawk.