Kolasib District Jail tâng a tlanbo

February 25, Nilaini zing dar 4 vel khan Kolasib District Jail-a táng mek Misbah Uddin Laskar, bike rûk leh thil danga thubuai nei chu Kolasib police kut aṭangin a tlânbo.

Thu dawn danin, Misbah Uddin Laskar hi a thurualpui ṭhin awmna kawhhmuh turin Silchar-ah police-te'n an hruai a; Silchar aṭanga Kolasib pana an let leh lamah a vengtu police-te chuan Bilkhawthlir leh Kolasib inkara an tlân laiin an mutthlûksan a, chutih chhung chuan a tlanbo a ni.