Vairengte-Sairang kawng laih tura harsatnate CM hoin sawiho a ni

Chief minister Lalduhoma kaihhruaiin nimin khan CMO conference hall-ah Vairengte leh Sairang inkar, NH 306 leh 06 kawngpui laih tura forest clearance-a harsatna chungchang sorkar hotute leh a kaihhnawih ram neitute'n an sawiho. CM chuan an rorelte chu sorkar laipuiah thlen tur a nih thu a sawi.

CM Lalduhoma chuan, forest clearance-a harsatna neuh neuh awm chu a kaihhnawiha mawhphurhtute'n inpawh taka sawiho zel ṭha a tih thu a sawi a, "Vairengte leh Sairang inkar kawngpui kaihhnawih harsatna awmte sawi turin kan insáwm a ni. He kawngpui pawimawh tak hi ṭha taka sial a nih theih nan central sorkar hruaitute ka be ṭhin a, vawiina kan thutluknate hi kan hriattir ang a, a ṭul chuan keimah pawhin ka zu ûm zui ang," a ti.

Ṭhutkhawmah hian kal khawm­te'n hmalak dan tur ṭha nia an hriatte an sawi a; an rorel chu sorkar laipui lam hriattir ran ni se, an ti.

Meeting-ah hian PWD minister Vanlalhlana, Environment Forest & Climate Change minister Lalthansanga, Food, Civil Supplies & Consumer Affairs minister B Lalchhanzova, sorkar leh NHIDCL hotu te, Environmental NGO Coor-dination Committee aiawh te, Vai-rengte leh Sairang inkara Land Owners Association hruaitute an tel a ni.