Naupiang lawmpuina tur khuhhawnna

Aizawl East-II bialtu MLA B Lalchhanzova, minister of state chuan a bial chhunga naupiangte a lawmpui ṭhin dawn a, August 5, Thawhṭanni zan khan Dawrpui Multi­­purpose Centre-ah a khuh hnawnna hun hman a ni.

B Lalchhanzova chuan pian pun a pawi­­mawh thu sawiin, "Tuna kan pian pun dan dinhmun hi a hniamin a him lo hle. Mizo hnam hi la ral mai thei dinhmunah kan ding a, piang pung tura ṭan lak a ṭul. In leh lo ṭha tak tak din mah ila, a rochuntu tur tu leh fa kan neih loh chuan hnam dangin an la nei mai mai dawn," a ti a, piang pung tura ṭan lak puiah tlawmngai pawlte leh khawtlang hruaitute a sawm.

Aizawl East-II Bialtu MLA hian naupiang an lo pun zel theih nan a bial chhunga naupiangte hnenah lawmpuina thuziak leh Rs 1,000 a hlan dawn.

A thawhkhatna atan December 2023 aṭanga June 30, 2024 inkara naupiang mi 159, mipa 82 leh hmeichhia 77 hnenah a hlan dawn a, lawmpuina hi a tahtawla hlan zel a tum a ni.