MP-in Mizo ṭawng telh a phût

Rajya Sabha MP K Vanlalvena chuan nimin khan Parliament session-ah thu a sawi a; chanchinbu registration title online-a dilna form-ah Mizo ṭawng telh a phût.

K Vanlalvena chuan, online hmanga chanchinbu registration title tih dáwna duh thlan tur ṭawng hrang hrang tarlan zingah Mizo ṭawng a tel ve lo chu ṭha lo a tih thu a sawi a, "Mizo ṭawng hmangtute zinga chanchinbu chhuahna tur dilna form-ah Mizo ṭawng a tel loh avangin Mizo ṭawng chanchinbu a chhuah theih dawn loh tihna a ni a, online-a dilna form-ah Mizo ṭawng telh ngei ka phût a ni," a ti.

Chanchinbu registration chung­changa a thil phût hi Rajya Sabha MP chuan Information and Broadcasting minister Ashwini Vaishnaw hnenah ziakin a thlen nghal bawk.