Champhai MZP-in dang leh

MZP Hqrs., Champhai chuan nimin khan Govt. Champhai College-a zirtirtu dah belh phûtin Champhai khawpui chhunga sorkar pisa leh zirna ina kal turte an dang leh.

Champhai MZP hian an thil phût nawrna atana August 2 khan college-a zirlai leh zirtirtu kal turte an dang a, sorkar aṭanga thu lawmawm an dawn loh avangin August 5, Thawhṭanni khan sorkar pisa leh zirna ina kal turte dangin, nimin khan an dan chhunzawm leh a ni.

Champhai MZP hruaitute hnen aṭanga Vanglaini thudawn danin, vawiin hian sorkar pisa leh bank-a kal turte an dang leh dawn a, zirna-in leh OPD-a kal turte chu an dang dawn lo thung.