AMC by-election: MPCC leh MNF thawkho dawn
August 22, 2024-a AMC Ward No. VI by-election neih turah MNF leh MPCC-te an thawkho dawn a, August 5, Thawhṭanni zan khan Chanmari West Indoor Hall-ah an common candidate tur an puang.
MPCC vice president RL Valla'n an common candidate tur chu Lalrinfeli w/o John Zosangliana (L), Chanmari West a nih thu a puang. MNF vice president Lalchhandama Ralte leh MPCC vice president C Ngunlianchungate pawhin thu an sawi.
Lalrinfeli pasal John Zosangliana hi AMC inthlan hnuhnung berah MNF ticket-in ward no. VI atang hian corporator atana thlan tlin a ni a, March 21, 2024 khan a thi. Corporator ni lai a thih avang hian by-election buatsaih a ngai a ni.
AMC Ward No. VI huam chhungah hian Chanmari West, Edenthar Veng leh Hunthar Vengte an awm.