Aizawl College of Nursing hawn a ni

B.Sc. Nursing zirna college thar, Aizawl College of Nursing (ACON) chu nimin khan Tuivamita an hmunah a hawnna inkhawm hman a ni a, adviser to chief minister TBC Lalvenchhunga'n a hmanpui.

ACON hi April 23, 2024 khan Eye Care Hospital Society-in an din a ni a, academic session 2024-25 aṭangin ṭan niin, August 1 khan zirlaite'n zirna an ṭan. Zirlaite'n Ebenezer Medical Center-ah a taka zirna an nei ṭhin dawn a ni.

Mizoram sorkarin December 12, 2023 khan ACON din phalna a lo pe tawh a, Mizoram Nursing Council-in May 20, 2024-ah B.Sc. zir phalna a pe a, Mizoram University-in July 8 khan college din phalna a pe bawk. Principal hoin zirtirtu panga leh thawktu dang eng emaw zat an awm a, pawn lam aṭangin zirtirtu (external faculty) panga an awm bawk a; August 1 khan zirlai 30-te nen zirna bul ṭan a ni.