Zirtirtu ṭha chawimawina hlan

Nimin khan Education Complex confe­rence hall-ah Aizawl district chhunga zirtirtu thawk ṭha thlan chhuahte hnenah 'District Award' hlan a ni.

Award hlan inkhawm hi Aizawl DEO Lalramthianghlima'n a kaihruai a; Samagra Shiksha state project director Lalhmachhuana chuan, zirtirtute chu a náwlpuia lakin mi fel leh ṭha tak tak an ni hlawm tih sawiin, "An zingah hian mi awm ṭha duh lo leh thawk ṭha peih lo zirtirtua lut ve palh tlém an awm. Heng mi tlemtête thâwm hi kan hre lâr zawk mah ṭhin," a ti.

Lalhmachhuana chuan, kum 2001-a survey neihah sikul kai rual ni si kal lo 22,000 an awm a, tunah chuan 3,500 chiah an ni tawh tih a sawi.

Award dawngtute chu - Zoliana (Chite PS headmaster), R Lalhu­liana (Modern English School headmaster) leh C Lalhluna (Bethlehem Vengthlang HS)-te an ni a; award hian Rs. 5,000 leh thuchei a keng a ni.