KHAWTHLIR

Faina hnatlang
Clean Lunglei chuan vawiin hian Lunglei hming put chhan Lung-lei chhehvela bawlhhlawhte thenfai hnatlang rûnpui an buatsaih dawn a, Lunglei DC Ashish More leh a nupui pawhin an telpui ang.

BCM-ah member 1,64,486
Baptist Church of Mizo­ram chuan tun hnai khan an kohhran inchhiar­na a tichhuak thar a, tun din­hmunah Mizoramah Bap­tist Kohhran member 1,64,486 an awm. BCM inchhiarna thar bera a lan danin, BCM-ah hian chhungkua 38,826 an awm.

Pension
Commissioner of Taxes Lalthangliana Varte leh MICE principal Dohmingthanga-te chu nimin khan superannaution pension-in an chhuak. ICDS state programme officer PL Liandinga pawh nimin vek khan voluntary pension-in a chhuak.

Delhi police
Mizoram police chuan thuchhuah siamin, Delhi police constable mipa leh hmeichhia lak a nih dawn thu an tarlang a; hre chiang duhte chu an awmna police station hnai bera zâwt chiang turin an chah.

HSSLC exam
MBSE buatsaihin nimin khan Higher Secondary School Leaving Certificate exam chu nimin khan khan ṭan a ni. HSSLC exam hi centre 71 ah neih niin, zirlai 10,501 an exam a ni.

Exhibition khar
Ni hnih awh Agriculture Technology Management Agency Exhibition chu nimin khan Serchhip Bazarah khar a ni. Serchhip district-a khaw hrang hranga kuthnathawktuten an tharchhuahte an pho chhuak a ni.

CADC V/C-ah
Cong che tha Chakma Autonomous District Council (CADC) hnuaia V/C 81 inthlan result chu hriat kim a ni tawh a, INC-in seat 63 an la a, V/C 10 ah chuan chuhtu awm loin an tling. INC bakah hian BJP-in seat 7, Independent-in seat 5 leh MNF in seat 3 an la a, V/C pathumah chuan sorkarna siam thei an awm lo.