Local Council electoral roll tichhuak

Kum 2015 atana local council electoral roll ennawn chu zawh a ni a, nimin khan tlangzarhin, târ chhuah a ni. Aizawl khawpuiah local council 83 a awm a, voters 1,92,215 awmin, mipa 90,287 leh hmeichhia 1,01,928 an ni.

Local council electoral roll thara a lan danin, voter tlemna ber local council chu Chite niin, voter 362 an awm a, mipa 192 leh hmeichhia 170 an ni. Voter tamna ber chu Zemabawk LC a ni a, voters mipa 2,905 leh hmeichhia 2,997, an vaiin 5,902 an awm.

LC electoral roll hi Assembly electoral roll behchhanin siam a ni. Draft roll chu February 16, 2015-ah târ chhuah niin, February 23 thleng paih ngai leh sîksâwi ngaite siam rem a ni a, State Election Commission thu angin, mi tumah thun belh an ni lo.