Transport Minister-in Rel kawng zauh a en

Transport Minister John Rotluangliana chuan nimin khan Silchar-Badarpur inkara rel kawng zauh hna thawh mek a hmunah a en a, Arunachal Junction leh Salchapra-te a tlawh.

Minister-in rel kawng zauh hna thawh mek a en zawhah Railways chief administrative officer (construction) Ajit Pandit leh chief engineer (construction) Ravindra Ram leh officer dangte chu Silchar-a Mizoram House-ah a kâwm a ni.

John Rotluangliana chuan, Railways hotute chu a chak thei ang bera hnathawk turin a ngen a; Railways hotute pawhin chak taka thawh an tum thu sawiin, March 31, 2015-ah chuan rel kawng zauh chu hman theiha siam ngei an tum thu an sawi.

Railways hotute sawi danin, rel kawng zauh hna tluang taka thawh a nih chuan, duan lâwk angin bungraw phur rélte chu March 20, 2015-ah an tlan theih beisei a ni.

Minister hi Transport secretary Hrangtawna leh deputy director Ethel Rothangpuii ten an ṭawiawm a ni.