National Handloom Award Vanlalruati'n a dawng

India rama puantahtu leh puantah lama hma­sawnna atana thawk ṭhate chawimawina, National Handloom Award chu nimin khan New Delhi-a National Handloom Day vawi 10-na lawmnaah sem a ni a; Vanlalruati, Ramhlun Vengthar hnenah India vice president Jagdeep Dhankhar chuan Tribal Weaves Award a hlan.

National Handloom Award hi category hrang hrangah ṭhen a ni a, Mizoram aṭanga Tribal Weaves Award dawngtu Vanlalruati hi senior bit design-a table cloth a tah aṭangin award dawng tura thlan a ni.

Award hian Rs 2,00,000 leh thuchei a keng a, Ministry of Textiles hnuai­ah ham­ṭhatna hrang hrang pek a ni bawk ang.