International Book of Records certificate hlân

Chief minister Lalduhoma chuan nimin khan a pisaah khawvela certified paragliding pilot naupang ber Samuel Lalbiakhlua s/o MS Dawngzuala, Saitual Venglai hnenah International Book of Records-in a pek hriatpuina certificate a hlân.

Samuel Lalbiakhlua hian kumin March thla khan kum 11 leh thla 5 leh ni 3-a upa a nihin hlawhtling takin paragliding professional course a zo a, khawvela paraglider naupang ber a ni.