Chetsualna vangin mi pahnih thi

August 6, Thawhlehni zan leh nimin zing khan chetsualna avangin mi pahnih an thi a, mi dang pahnih an hliam.

Thu dawn danin, Thawhlehni zan dar 7:15 vel khan mi pathum chuanna car chu Khawlailung dáiah a chesual a, chetsualna hmunah Lalrindika (43), Mualcheng a thi. Lirtheia chuang dang - Lalrinkima leh Remsangpuia, Mualpheng ve ve an hliam a, Khawlailung damdawi-inah enkawl an ni.

August 5, 2024-a tui luankawra chesual TC Lalchhanchhuaha (34) s/o Khawtinthanga, Chaltlang chu Thawhlehni zanlai pelh hnu, nimin zing dar 12:40 vel khan a hliam tuar loin a thi.

Thu dawn danin, TC Lalchhanchhuaha hi August 5, Thawhṭanni thim hlim khan an in bula tui luankawrah a chesual a, damdawi-in panpui a nih hnuah ngaihtuahawma ngaih a nih loh avangin in lama inenkawl tura hawpui a ni. A hnuah a nawm loh zui avangin damdawi-inah hruai leh a ni a, a hliam tuar loin Thawhlehni zan dar 12:40 khan a thi a ni.