Tui dinhmun teh dan zirhona buatsaih

Mizoram EIACP Hub, Mizoram Pollution Control Board (MPCB) nimin khan KM Higher Secondary School-ah ni hnih awh tur ‘Water Quality Assessment’ tih zirhona an buatsaih.

Zirhona hi Mission LiFE hnuaia buatsaih a ni a, MPCB Conference Hall-ah a ghawnna hun hman niin, Mizoram EIACP Hub programme officer Benjamin Lalnunsanga Colney-in a kaihruai. MPCB scientist Dr Lalramnghaki Pachuau-in Mission LiFE thupui pakhat ‘Save water’ chungchang a sawifiah.

MPCB scientific assistant Joseph Lalhmunliana'n training dan tur te, tih tur hrang hrang leh tui endikna tur parameter chungchangte a sawifiah a; training-a telte'n leilung leh a chhunga awmte humhim tur leh nunphung thlak danglam ngaite thlak danglam turin Mission LiFE thutiam an sawi bawk.

Training-a tel zirlaite chu nimin khan Tuikual luiah kalin tui an la a, MPCB laboratory-ah endik a ni ang a, endik dan tur chi hrang hrangte an zir dawn a ni.