North East Mini Jamboree sawiho

Mizoram Bharat Scouts & Guides State Council chuan nimin khan an president Lalduhoma, chief minister hoin CMO conference hall-ah an ṭhu a; Mizoramin kumin November thlaa 8th North East Mini Jamboree a thlen dan tur an rêl.

CM Lalduhoma chuan, khawvel pumah Scouts & Guides member nuai 483 vel an awm thu sawiin, "An awmna hmun ṭheuhah Pathian leh ram tan tiin hma an la a, mi dangte ṭanpuitu leh nun kawng dik kawhhmuhtu an ni. Keini pawhin kan ram leh kan khawtlangah hma kan la ve zel ang. Kan tih theih a tam lo a nih pawhin kan tih chhunte chu tihhlawhtlin ngei kan tum dawn a ni," a ti.

Ṭhutkhawmah hian November 2024-a Tanhrila 8th NE Mini Jamboree (Scout & Guide inkhawmpui) thlen turah sum leh pai mamawh dante sawi a ni a, sorkarah sorkar sum an dil. Chief Minister chuan, inkhawmpui atana sum leh pai mamawhte chu sorkar aṭanga pek an tum tur thu a sawi.

State Council meeting-ah hian Mizoram Bharat Scouts & Guides vice president pathum - Dr Vanlalthlana, Lalnghinglova Hmar leh H Lalhmingthanga bakah, secretary Lalngil-neia Colney leh member dangte an tel a ni.