AMC by-election atan hming pe lut

August 22, 2024-a Aizawl Municipal Corporation (AMC) Ward-VI by-election neih tura MNF leh Congress party candidate inṭâwm Lalrinfeli chuan nimin khan returning officer Mark Lalthanliana, Aizawl additional DC hnenah nomination a thehlut.

AMC Ward-VI by-election neih turah hian vawiin August 8, 2024 chawhnu dar 3 thleng hming pek luh theih a ni a, ZPM candidate tur H Lalremtluanga chuan vawiin hian hming a pe lut dawn nia thu dawn a ni. Political party dang zingah candidate puang an awm lo.

Nomination paper thehluhte chu August 9, 2024-ah endik a ni ang a, August 12, 2024 chhun dar 1 thleng inhnuhdawh theih a ni ang.