Mizoram PWD-in km. 6691.67 a enkawl

5th September, 2020

PWD enkawltu chief minister Zoramthanga chuan ZPM Legislature Party leader Lalduhoma zawhna ziaka chhangin, Mizoram PWD-in kawng km. 6691.67-a thui a enkawl mek thu, Assembly session neih zawh tâkah a tarlang.

Chief Minister tarlan danin, PWD-in kawng an enkawlte chu - national highway km. 1,029.37 leh state road km. 5,662.30, a vaiin km. 6,691.67 a ni. Mizoram BRTF chuan km. 895.75 enkawlin, NH-54 Aizawl-Tuipang km. 380 chu NHIDCL-in an enkawl thung.

State sorkar ni lo, thuneitu dangte'n kawng laih hna an pek leh pek loh zawhna chhangin Chief Minister chuan, "Tun dinhmunah chuan BRTF leh NHIDCL bâk thuneitu dangin kan rama kawng laih hna an pek kan hre lo," a ti.