Ramri chungchangah Mizoram leh Assam inbe dawn

Mizoram sorkar leh Assam sorkar aiawhte chu ramri chungchangah vawiin tlai dar 4 hian State Guest House, Aizawlah an inbe dawn.

Mizoram sorkar aiawhte chu Home minister K Sapdanga'n a ho dawn a, Land Revenue & Settlement minister B Lalchhanzova bakah sorkar official-te'n an ṭawiawm ang.

Assam sorkar aiawhte chu Border Protection and Development minister Atul Bora-a'n a ho ang a, sorkar official eng emaw zatin an ṭawiawm dawn a ni.

State pahnih hotute inbiak zawhah minister pahnih - K Sapdanga leh Atul Bora te chuan a rualin thuthar thehdarhtute an kâwm dawn a ni.

Assam sorkar aiawhte hi naktukah an haw ang.