Ramsa kut tuartute hnenah zangnadawmna pek a ni

Environment, Forest & Climate Change department-a Chhimtuipui Wildlife Division chuan ramsain a hliam leh thlám leh huan a tihchhiatsakte hnenah nimin khan zangnadawmna Rs 3,88,470 an pe.

Ramsa vanga hliam leh harsatna tâwk, zangna-dawmna pekte chu mi panga an ni a, kum 2022-a thil thleng vek a ni. Zangnadawmna chu Chhimtuipui Wildlife Division-a deputy conservator of forest Dr R Lalruatfela'n Lawngtlaia a pisaah a hlan.

Savawmin a hliam Dinoram, Tuisentlang hnenah Rs 73,775 leh Probin Chakma, Jaruldubasora hnenah Rs 66,695 pek a ni a; Ngengpuikai khaw mi pathum, sai-in thlám leh huan a tihchhiatsakte - Chhuankima hnenah Rs 52,400, Lawmpuia hnenah Rs 92,400 leh Narachondro hnenah Rs 1,03,200 pek a ni.