Khawtlangin kawng thawm ṭha

Venghnuai Local Council leh an venga mi ṭhahnemngaite chuan an sum thawh khawm hmangin an veng chhunga kawng chhe laite hnatlangin an thawm ṭha.

Thu dawn danin, Venghnuai kawtchhuah aṭanga Venghnuai Field inkar kawngpui chu fûr ruahsurin a tichhe nasa a, lirthei leh kea kalte tan harsatna a thlen nasat avangin lirthei ke hnih nei chesual an awm nual tawh a; Local Council ruahmannain sum thawh khawmin an thawm ṭha ta a ni.

Venghnuai LC chuan an veng chhung kawng chhia siamna atana sum leh pai bakah, thâ leh zung thawhtute chungah an lawm thu an sawi.