Cultural programme hmanpui

Aizawl East-II bialtu MLA B Lalchhanzova, minister of state chuan nimin khan a bial chhunga Armed Veng Middle School-in cultural programme an buatsaih a hmanpui.

B Lalchhanzova chuan, naupangte chu khâwlbáwm an nih thu sawiin, "An tan hian kan theihtawp, kan sum leh thil neih dangte hi ui loin kan hman a ngai," a ti a; naupangte tan thiamna petu an nih angin missionary rilru pu chunga zirtir hna thawk zel turin zirtirtute a fuih. Kum 1972-a din Armed Veng M/S-a thawktute'n an mamawh leh harsatna an neihte chu a theih ang angin tihsak a tum thu Minister hian a sawi bawk.