Hnathawh mek chungchang sawiho

Chief minister Lalduhoma hoin nimin khan CMO conference hall-ah hmasawnna hnathawh kal mek leh hmachhawpte sawiho a ni.

Ṭhutkhawmah hian Public Works minister Vanlalhlana, Environment, Forest and Climate Change minister Lalthansanga, Power & Electricity minister F Rodingliana, adviser to chief minister TBC Lalvenchhunga, chief secretary Dr Renu Sharma leh a kaihhnawih department hotute an tel.

Bairabi leh West Phaileng inkara 132 K/v sub-station line hnathawha forest clearance bawhzui dan tur te, Pûkzíng leh Silsury inkar kawngpui zauhna turah forest clearance la tura hmalak tawh chin te, Tualpui leh Champhai inkar kawng siam tura forest clearance atana hmalak tawh chinte leh thil pawimawh dangte sawiho a ni.