Taxation dept-in thla 4 chhungin chhiah cheng nuai 43,557.8 hmu

Taxation department chuan sorkar sum kum 2024-25 kal mekah thla li, April-July, 2024 chhungin chhiah cheng nuai 43,557.8 an hmu.

Taxation department-in thla tina chhiah an hmuh (monthly achievement) zat an tarlan danin, chhiah a hmuhna zingah thla li chhunga a hmuh tamna ber Goods & Services Tax (GST) aṭangin Rs 3,61,98,26,653 a hmu a, hmuh zawng zawng aṭangin 83.10% a tling. GST hnaih bertu Sales Tax aṭangin Rs 69,51,76,673 hmuh a ni a, hmuh zawng zawng aṭangin 15.96% a ni.

Sorkar kum kal meka thla hmasa ber April 2024 khan Taxation department chuan chhiah Rs 1,65,01,97,183, May thlaah Rs 81,09,10,407, June thlaah Rs 80,92,89,838 leh July thlaah Rs 1,08,53,82,792 an hmu a; thla li chhunga an hmuh zawng zawng chu Rs 4,35,57,80,220 a ni.