MZU-ah graduate thar 2,228 an awm

Mizoram University chuan July 2, 2016 khan May 2016-a degree course final year exam result a tichhuak a; zirlai exam 3,396 zinga 2,228 an pass a, pass percentage chu 65.61% a ni.

Degree course result chhuakah hian regular student bikah zirlai 3,129 zinga 2,072 an pass a, pass percentage chu 66.22 a ni. B.A-ah candidate 2,518 zinga 1,609 (63.90%) an pass a, B.Sc.-ah candidate 373 zinga 266 (71.31%) an pass. B.Com.-ah zirlai 214 zinga 182 (85.05) pass in, B.Sc. (Home Science)-ah zirlai 24 zinga 15 (62.50%) an pass bawk.

Repeater zingah zirlai 267 zinga 156 (58.42%) an pass thung. B.A-ah candidate 210 zinga 119 (56.67%), B.Sc.-ah zirlai 34 zinga 17 (50%) leh B.Com.-ah zirlai 18 zinga 15 (83.33%) an pass a; B.Sc. (Home Science)-ah zirlai pangate an pass vek (100%) a ni.

Regular leh repeater belhkhawmin B.A-ah zirlai 2,728 zinga 1,728 (63.34%) an pass a, B.Sc.-ah 407 zinga 283 (69.53%) an pass. B.Com.-ah candidate 232 zinga 197 (84.91%) an pass a, B.Sc.-ah zirlai 29 zinga 20 (68.96%) an pass bawk.

Degree course exam-ah hian stream tina mark hmu sang ber ṭheuhte chu gold medalist tih an ni. Gold medalist-te chu - B.A-ah Thawmsanglian, Sociology, Pachhunga University College (85.42%); Science-ah Lalrinsangi, Zoology, PUC (91%), Commerce-ah Samuel Lalthanliana, Hrangbana College (77.85%) leh Home Science-ah Rodingliani, Zirtiri Residential Science College (80.50%)-te an ni.

PUC-in subject-a topper 14 an nei a, Govt. Aizawl College leh Hrangbana College-te'n pahnih ve ve an nei. Lung-lei College, Zirtiri RSC, Aizawl West College leh Champhai College-te'n topper pakhat ṭheuh an nei bawk.

Kumina MZU aṭanga graduate thar hi nikum 2015 aiin an tam zawk a, nikumah graduate thar mi 2,027 awm-in, nikum aia kum-ina an tam zawk-na chu 201 a ni. Pass percentage pawh nikum aiin kuminah a sang zawk.

Subject tina topper-te

Subject Topper College

1. Economics Joseph Vanlaldingngheta GAC

2. Education Caroline Lalrinpuii GAC

3. English Lalrinzuali Sailo PUC

4. Geography Samson MC Laldinthanga PUC

5. History Gospel Zoramengi HBC

6. Mizo PC Lallianthangi Champhai College

7. Philosophy John C Zonunmawia PUC

8. Political Science Ramengliana PUC

9. Psychology Joseph Lalrindika PUC

10. Public Administration John Hualhmingthanga Aizawl West Coll.

11. Sociology Thawmsanglian PUC

12. Biotechnology Lalṭhafala PUC

13. Botany Augusta Lalhmangaihzuali Lunglei College

14. Chemistry ZT Laldinpuii PUC

15. Environmental Sc. C Zosangzuala PUC

16. Geology Benjamin Roluahpuia PUC

17. Mathematics Lalliandinga PUC

18. Physics R Lalnuntluanga PUC

19. Statistics H Lalrinsangi PUC

20. Zoology Lalrinsangi PUC

21. Commerce Samuel Lalthanliana HBC

22. Home Science Rodingliani Zirtiri RSC