Quarry chimin chhilh hlum

July 2, Inrinni chaw-hnu dar 1:30 vel khan Chawlhhmun ram, Tui-thum hnára quarry a chim a, hna thawktu pakhat a delh hlum. Chawlhhmun YMA hruaitu Fabian Lalfakawma hnen aṭanga thu dawn danin, quarry hi Chawlhhmun Local Council chairman Rosema ta a ni a, a chim laiin hna thawk mi pathum an awm. Mi pahnihte an insaseng hman laiin, Lal-hruaitluanga (23) s/o Ringthara, Chawlhhmun erawh chu a insaseng hman lo a, lung chimin a chhilh a ni. Lalhruaitluanga hi lungin a chhilh aṭanga darkar thum velah lak chhuah a ni.