7:00 AM - 7:00 PM inkarah Thirsakawr tlan lo turin ngen

Traffic SP chuan ngen-na chhuahin, Aizawl khawpui chhung, Kulikawn leh Bawngkawn inkara zing dar 7 leh tlai/zan dar 7 inkarah thirsakawr hmanga tlan lo turin mi tinte a ngen.

Traffic SP thuchhuah chuan, "Aizawl khawpui chhung kawngpui dungah thirsakawr kalna tura siam bik (cycle track) a awm loh avangin thir-sakawra tlân ṭhinte tan a him loin, lirthei dang tlante nen intihpalh a hlauhawm a, chetsualna pawi tak a thleng ang tih a hlauhawm hle a ni," a ti. Ngenna a siamte chu zawm vek tur leh, nu leh pate pawh an fate zirtira fuih turin a ngen a ni.

Traffic SP thuchhuah ang chuan, zing dar 7 leh zan dar 7 inkarah thirsakawr hmangin kawngpuiah tlân loh tur a ni a; thirsakawr khalh ṭhinte chu safety helmet khum tura chah an ni.