Consumer Protection Council ṭhukhawm

State Consumer Protection Council chu nimin khan an chairman John Rotluangliana, Food Civil Supplies and Consumer Affairs (FCSCA) minister hoin Assembly Secretariat conference hall-ah an ṭhukhawm.

Minister John Ro-tluang-liana chuan, Mizo mipuite consumer an nih anga an dikna humhalh leh hriat chian kawngah an
ṭhangharh mek zel tih sawiin, gas bûk tling loa hralh leh tihchingpen tih-tawp a nih theih nana Cen-tral YMA hmalakna chu lawmthu a tih thu a sawi.

John Rotluangliana chuan, FCSCA department-in ruahmanna thar siamin, gas bûrte bûk vek a ni tawh dawn tih a sawi a; mipuiin gas bûk tling an dawn ṭheuh theih nana sorkar hmalakna chu thláwp a, dawhthei taka nghak turin mipuite a ngen.

Meeting-ah hian chak zawka district-a Consumer Forum kalpui dan tur te, member leh staff-te tihpun dan tur leh sorkar laipuia sum dil dan tur te; consumer-te’n an dikna chanvo chiang leh zuala an hriat theih nana inzirtirna Mizoram pumah chak zawka kalpui dan tur te; gas, petrol, diesel, cement pawlhdal loh leh bûk dik tak mipuiin an lei theih nan quality control-a chak zawka hmalak dan tur te; enforcement agency-te changtlung zawka thuam
ṭhat dan turte an sawiho.

FCS&CA secretary Dr. Franklin Laltinkhuma chuan, gas buk tlinglo nuai bo nan mipui ṭan tlan a tul zia sawiin gas hi a lang a paua corruption tamna ber nia a hriat thu a sawi a. Gas semna point tinah cylinder buk vek a nih tawh dawn avangin mipuite dawhthei tur leh kan ṭhat tlanna tur a nih hre turin a ngen a ni.

Meeting-ah hian MLA Lalrinawma bakah district tina Consumer Protection Council leh tlawmngai pawl aiawh te, sorkar department hrang hrang aiawhte an tel.