Rangvamual kawng hawn hun

Traffic SP chuan Rangvamuala leimin thenfai hna thawh a nih vanga NH-54 kawngpuia lirthei tlan dan tur ruahman tawh chu tihdanglam a nih thu a puang a; an tihdanglam ang hian nimin aṭang khan kalpui nghal a ni.

Ruahmanna thar hi rîkrum (emergency) thil pawimawh bik atan leh sorkar mi pawimawh zual bik VVIP/VIP chetvelna thilah chuan traffic police-te leh hnathawktute inberáwnin, a tul dan anga tihdanglam theih a ni.

Traffic ruahmanna

• Zan dar 10 aṭanga a tûk zing dar 5 inkarah kawngpui khâr ṭhin a ni ang.

• Motor lian (HMV)-te Aizawl khawpui chhunga an luh ṭan theih hun chu zan dar 7-ah sawn hma a ni.

• Zan lama hna thawh hun bithliah chhung-ah Lungverh to Ramrikawn via Sa-kawrtuichhun kawng lamah motor tê (LMV)-te tlan tur a ni a; he kawngah hian 407 truck leh a aia liante chhuk leh chho zawnga tlan phal a ni lo.