Serchhipah solar street light vuah

13th. Finance Commission sum aṭanga LAD-te'n village council hrang hrangte cheibawlna chi khat atana hma an lakna, solar street light vuah hna an kalpui chu Zoram Energy Development Agency (ZEDA)-te'n Serchhip khawpui chhung V/C area ṭhen hrang hrang-ah an thawk mek.

Thu dawn danin, solar street light hi thirban pakhat zelah battery volt 12, lumi-nar LED light 75 Ah leh solar plate watt 75 vuah a ni. Street light pakhat man Rs. 30,000 vel ni mah se, 13th. Finance Commission sum aṭanga sorkar laipuiin subsidy a tih hnuah thirban pakhat atana senso chu Rs. 7,522 a ni a; VC/LC area hrang hrangah an mamawh dan leh sum an pek dan azir zelin vuah a ni.