Rilru thar i pu ang u - Lalduhoma

ZNP president Lalduhoma chuan, Central YMA kaihhruaina hnuaia a huhoa Remna Ni hman a nih tûk lawkah political party-te India leh MNF-te inremna ziah leh Remna Ni chungchangah an inbei leh nghal niin a sawi a, "Dik lo taka insawichhiat bànsanin, CYMA duh dan tipuitling turin rilru thar i pu ang u," a ti.

Nimina ZNP in-khawm-ah thu sawiin, Lal--duhoma chuan, "In-beih-nate a tawp tawh dawn emaw kan tih laiin, a tûk lawkah party pakhat president chuan hming hmerh meuha party dang hruaitute a bei zui leh ta mai hi a pawi hle a ni,” a ti a; inremna thuthlung ziah chu MNF leh India sorkar inremna ni loin, MNF leh India Home Ministry-te inremna nia a ngaih thu a sawi nawn.

Lalduhoma chuan, amah mimal beihna a awm reng nia sawiin, "Hengte hian ka chhungte thinlung a tina hle ṭhin a, ngawih reng theih a ni tawh lo," a ti a; dâwta amah sawichhe tura hlawh neia rawih pakhat chu hrawk cancer-in a thi nin a sawi.

ZNP President chuan, “Policy-ahte chuan kan inbei tur a ni. Mimala heti taka inbeihna hi chu tu tan mah a ṭha lo," a ti bawk.

ZNP thuchhuah chuan, nimina an pisaa in-khawm-ah hian ZNP zawm thar, Lengteng biala voter 26 leh Aizawl veng hrang hranga mite an lawm lut niin a tarlang.