AMC Ward-VI by-election Candidate turte pawm vek

August 22, 2024-a AMC Ward-VI by-election neih tura chuh tuma hming pek luhte chu nimin khan returning officer Mark Lalthanliana hoin endik a ni a, hming pe lut mi pathumte hnâwl awm loa pawm vek an ni.

AMC Ward-VI by-election-a candidate turte chu - BJP candidate Chawnghmingthanga, Zarkawt, ZPM candidate H Lalremtluanga, Chanmari West leh independent candidate (MNF leh Congress thlâwp) Lalrinfeli, Chanmari West-te an ni. August 12, 2024 chhun dar 1 thleng inhnuhdawh theih hun hawn a ni ang.

AMC Ward-VI hian Chanmari West, Edenthar Veng leh Hunthar Vengte a huam a; corporator John Zosangliana chu March 21, 2024 khan a thi a, a hmun ruak hnawhkhat turin by-election buatsaih a ni dawn a ni.