Aloe vera hmanga sahbawn siam dan zirna buatsaih

Mizoram Pollution Control Board chuan nimin khan Aizawla college eco-club member-te tan Hrangbana College-ah aloe vera hmanga sahbawn siam dan zirna an buatsaih a; Mizoram University leh college pakua aṭangin eco-club member 100 chuang leh green teacher 10 chuang an tel.

Zirhonaah hian RIPANS Department of Pharmacy assistant professor Dr PC Lalawmpuii, resource person-in aloe vera hlutna te, ramhmul damdawi a nih dan leh aloe vera sahbawn hman ṭhatnate a sawifiah a; aloe vera hmanga sahbawn siam dan zirho a ni.