CM Duhoma leh Atul Bora inkâwm

Chief minister Lalduhoma chu August 10, Inrinni khan CM banglaah Assam Border Protection & Development minister Atul Bora leh amah ṭawiawmtute'n an kâwm a; ramri chungchangah Chief Minister chuan, status quo chu inremna tak tak thlentu a nih loh thu a sawi.

CM Lalduhoma chuan, ramria inbiakna chu vawi tam tak a awm tawh thu leh thutluknate chu status quo kenkawh tih a nih deuh zel thu a sawi a, "Ramria kan harsatna hi kan hun lai ngeia chinfel tuma hmalak kan duh. Status quo hi inremna tak tak thlentu ni loin, a tihkhawtlaina mai a nihna chen a awm a, official level-ah inbiakna a kal zel ang. A pawimawh zawk chu ram hruaitu lute'n inrem duhna tak tak rilru pua hma kan lak tlàn a ni," a ti.

Atul Bora chuan, inremna tluantling nei tura inbiakna neih zel ṭha a tih thu a sawi a; inbiaknaah inremna neih hma chu a khawi lam ve ve mahin ramriah buaina thlen thei harsatna siam loh ṭha an tih thu an sawi.

Chief Minister hi adviser to CM Lalmuanpuia Punte-in a ṭawiawm a, Atul Bora chu Assam Border Protection & Development secretary Gyanendra Dev Tripathi leh official dangte'n an ṭawiawm a ni.