Chawngte NGO-in I-Day dodal tintuah

August 10, Inrinnia Chawngte Joint NGO hruaitute Chawngte-P Community Centre-a ṭhukhawm chuan, sorkara an thil thlenah August 13, 2024 hmaa a hlawhtlinna an hmuh loh chuan kumin Independence Day dodal (boycott) an rêl.

Chawngte Joint NGO ṭhukhawm hian Chawngte Police Station leh damdawi-in (CHC)-a thawktu leh mamawh dangte dah belh tura sorkar an ngenna chungchang leh, Chawngte khaw chhung kawng siam chungchang sorkara an thlen tawha hmalak zel dan tur an sawiho a ni.

Ṭhutkhawma tarlan danin, Chawngte khaw chhung kawng chungchang PWD Minister hnena an thlenah duhthusama hmalakna a awm lo a; Chawngte CHC-a thawktu leh hmanraw indaih lohna Health Minister hnena an thlenah hmalakna a awm lo bawk. Home depart­ment aṭangin Chawngte PS-ah police pariat dah belh a ni thung.

Chawngte NGO-te chuan, Chawngte khaw mamawh sorkar hotute hnena an thlente chu August 13, 2024 thlenga a hlawhtlin loh chuan Chawngteah Independence Day 2024 roral an rêl a ni.

Chawngte Joint NGO-ah hian YMA, YLA, LDSA, MZP, MSU, Central Chakma Mahila Samiti leh Chawngte-P Ṭhalai Pawl aiawhte an tel.