Faina hnatlang huaihawt a ni

Saitual District Independence Day 2024 Celebration Committee-in a rêl angin kumin Independence Day pualin Saitual district-ah August 5-9, 2024 chhung Faina Hapta hman a ni a, district chhung hmun hrang hrangah faina hnatlang huaihawt a ni.

Faina Hapta chhungin Saitual district-a sorkar office leh sikulte'n an hmun ṭheuh an tifai a; VC, YMA, MHIP leh MUP-te'n faina hnatlang an huaihawt. Saitual College NSS leh Eco Club ten an college campus leh Ṭamdil chhehvelte an tifai bawk.

Zirtiri Residential Science College NSS unit leh Cleanliness Committee pawhin August 9, 2024 khan Bawngkawn aṭanga Durtlang Leitan panna kawng leh Leitan bazar chhehvelah bawlhhlawh tihfai hnatlang an huaihawt. First semester zirlai 250 vel an thawk chhuak a, kawngpui leh bazar vela bawhhlawhte an tifai a ni.