Lawibual lui tifaiin hnatlang

Mizoram EIACP Hub, Mizoram Pollution Control Board (MPCB) leh ITI Veng YMA Chhang-te chuan August 10, Inrinni khan Mission LiFE (Lifestyle for Environment) programme hnuaiah Lawibual lui thenfai hnatlang an huaihawt a, mi 71 vel an thawk chhuak.

Mizoram EIACP Hub programme officer Benjamin Lalnunsanga Colney chuan, Mission LiFE chu India kaihhruai khawvel pum huap hmalakna, mimal leh khawtlang anga ni tin nunphung leh nun dante leilung nena inhne rem thei tura thlak danglam tura inzirtina leh inkaihhruaina a nih thu a sawi.

Lawibual lui hi ITI Veng huam chunga awm niin, Chite lui a fin hnuah Tuirial lui a fin leh a; August 2022 -a Central Pollution Control Board (CPCB) -in lui thianghlim lo, 'Polluted rivers’ a puan zingah a tel.