Minister-in lei dawh mek a enfiah

Food, Civil Supplies & Consumer Affairs (FCSCA) minister K Lalrinliana chuan nimin khan Kawnpui lui, Bairabia lei dawh mek tlawhin, hna thawh dan a enfiah. Lei hi SEDP sum cheng nuai 356.4 hmanga siam a ni.

K Lalrinliana chuan, Mizorama buhfai phurh luhna lei dawh ṭhat mek a ni chu lawmawm a tih thu a sawi. PWD executive engineer Lalthanzuala chuan, lei chu December 2020 chhunga dawh zawh vek a, January 2021-a hman ṭan theih a nih dawn thu Minister a hrilh.

Kawnpui lui chunga lei hi rêl hmanga buhfai leh bungraw dangte state páwn aṭanga rawn phurh luhte truck-te'n an phurh chhuah lehnaa kawng pawimawh a ni a; a hlui tawh avangin a su nasa tawh hle niin Mizoram PWD hotute chuan an sawi. Buhfai phurh luhnaah harsatna a thlen dawn avangin lei thar dawh a ni.