KHAWTHLIR

MPSC chairman
Mizoram Public Service Commission Chairman thar atan tuna member ni mek Andrew Lalherliana ruat a ni. MPSC chairman atana Andrew Lalherliana ruatna hi February 28 khan Governor Dr Aziz Qureshi chuan a tichhuak. Andrew Lalherliana hi MLA hlui a ni a, February 28-a MPSC chairman hna chawlhsantu K Riachho a thlak a ni.

Thisen pe
Tuikhuahtlang Branch KṬP chuan Inrinni khan Synod Hospital-ah thisen unit 46 an pe a, a petute mipa 33 leh hmeichhia 13 an ni. Jubilee branch KṬP pawhin Central KṬP-in blood donation calendar a siam angin, Inrinni khan Aizawl Civil Hospital-ah thisen unit 30 an pe a, a petute mipa 19 leh hmeichhia 11 an ni.

Damdawi-in tanpui
People United in Music with a Purpose (PUMP) chuan, Kulikawn Hospital-a psychiatry ward-a damlote ṭanpuina tura an sum khâwl Rs. 1,62,802 chu Inrinni khan damdawi-in thuneitute kutah an hlan.

Pension
Karnataka-a police hotu lu ber, Director General and Inspector General of Police (DG&IGP) Lalrokhuma Pachuau, IPS chu February 28, 2015 khan superanuation pension-in a chhuak. Lalrokhuma Pachuau hi kum 1977 khan IPS-ah a inziak tling a, Mizoram DGP hna pawh hun rei tak a chelh tawh. February 28 vek khan Aizawl Civil Hospital-a Gyneacology department-a hotu, Dr. RL Dangvela pawh a pension.

BJP lawm
BJP, Mizoram Pradesh chuan thuchhuah siamin, Chakma Autonomous District Council-a V/C inthlanah BJP-in seat 43 an la leh, khaw pasariha V/C an siam thei chu lawmawm an tih thu an tarlang.