MNF-in pawisa hmanna tur zawt

MNF chuan thuchhuah siamin, Sihhmui leh Lengpui inkara Tlawng lei dawhna atan Mizoram sorkarin cheng nuai 400 sorkar laipuia an dil mek thu tarlangin, "PWD hotute'n hmanraw hlui hmanga Tlawng lei an dawh zawh tawh thu an sawi tawh laia, cheng nuai 400 dil mek hi eng atana hman tur nge," an ti.

MNF tarlan danin, Mizoram sorkar chuan Tlawng lei siamṭhatna atan hian Ministry of Road Transport & Highway cheng nuai 200 vel an dil a ni. Lei hi dawh zawh a nih hmain a chim leh a, a chim chhan hi an sawi loh avangin Ministry of Road Transport & Highway ah cheng nuai 200 an dilna hi an cancel a ni. A hnuah project siamin double reinforcement a ngai tiin cheng nuai 400 dilna an thehlut leh a ni.