Maubawk YMA Venbûk Thlám siam hawng

Disaster Management & Rehabilitation (DM&R) sum hmanga Maubawk branch YMA-in Reiek kai Tlawng kama 'Venbuk Thlam' an sak chu, Inrinni khan DM&R minister C Ngunlianchunga'n a hawng.

C Ngunlianchunga chuan chhiatna a thlen hmaa inven hna leh a thlen hnua hmalakna tur atan theihtawp DM&R dept.-in a chhuah tih sawiin, "YMA-te hi chhiatna leh vanduaina a thlena che chhuak hmasa ber an ni. Chuvangin, anni hi a tam thei ang ber training se kan duh. Tunlai khawvel changkang zelah training chhuak leh chhuak lo kar chu an danglam a ni," a ti.

Maubawk branch YMA-in an pawisa dawnin a daih baka hna an thawk chu lawmawm a tih thu sawiin DM&R Minister chuan, "Contractor leh dept. hnathawh ṭhenkhat entlak awm mah se, entlak mang loh awm hian Zoram hi a tiṭhuan­awp a ni," a ti a, ṭha taka Zoramin a mamawh tih a sawi.

Venbuk thlam hawnnaah hian MLA pahnih Lalrinliana Sailo leh Vanlalzawma, AMC chairman CT Zakhuma leh CYMA aiawhte pawh an tel a ni.

Maubawk YMA hian CYMA kaltlangin DM&R dept. aṭangin Rs. 6,71,000 an dawng a, Venbuk Thlam sakna atana an sum hman zawng zawng chu Rs. 6,90,000 a ni thung. Pawisa bakah hian hna­tlang tha 568 sen a ni. Venbuk Thlam hi tui tla leh vanduaina engemaw a thlen a, tlawmngaia thawkchhuakte chawlhna atana ruahman a ni.

Thlam hawnnaa tarlan a nih danin, Reiek kaiah hian kum 1997-2013 inkarah tuia tla hlum mi 21 an awm tawh chung zinga 12 chu thlam sakna thlangah hmuh an ni.7-2013 inkarah luia tla hlum mi 21 an awm a, chung zinga 12 chu thlám sakna thlangah hmuh an ni.