Kawng siamtute dan tum a ni

National Highway 54, Kawnpui leh Buichali inkar kawng double lane-a siam zauh meknaa zangnadawmna la pek loh mi 60 chuangte chuan, lungawi lohna lantir nan vawiin aṭangin kawng siamtute dan an tum.

Thu dawn danin, Kawnpui leh Buichali inkar kawngpui zauh leh siam ṭhat hna hi ABCI-in an thawk mek a, an zo ṭêp tawh a ni. Ram laksakte hnena zangnadawmna pekna turah sorkar aiawhte'n an enfiah hun leh zangnadawmna pek tura an tihfel hun a rei tawh avangin, kawng siam zawh hma ngeia pe turin sorkar an phût a ni.