CM hlui puh a nihnaah ACB ngaihchân an la ni

Lengpui Airport tih-chang­tlunnaa thil dik lo tia chief minister hlui Zoramthanga puh­naah Lokayukta chuan thubuai chhuitu Anti Corruption Bureau (ACB) an la ngai­châng.

Mizoram First Movement (MFM) chuan Zoramthanga chu chief minister a nih laiin Lengpui Airport cheiṭhatnaah a thuneihna hmang sualah leh chhungkhat laina duhsak uchuakah an puh a; India Danpui Article 14, General Financial Rules 2017-a Rule 162-na leh Vigilance Commission thuchhuah hrang hrangte bawhchhiaah ngaiin a lakah March 14, 2022 khan Lokayukta-ah complaint an thehlut a ni.

Lokayukta chuan Zoramthanga puh a nihna chu an zir chian hnuah chhui chiang turin ACB a ti a, ACB chuan Lokayukta-ah report an thehlut tawh.

ACB report chu Lokayukta chuan duh­khawp loin, May 15, 2024 khan information an dil belh leh a; ACB chuan information an la pe lo a, an pek hunah Lokayukta chuan zir chiangin, thu­buai kalpui zel dan turah thutlukna an siam dawn a ni.