Skill Training buatsaih

Krishi Vigyan Kendra (KVK), Kolasib chuan nimin khan Kolasib College zirlai ṭhenkhatte leh loneitu ṭhenkhat, mi 50 tan skill training an buatsaih a; Prime Minister-in August 11, 2024-a a tlangzarh thlai chi 109 te, oil seeds, vaimin, oil palm leh thlai chi hrang hrang hlâwk zawka enkawl dan te, leilung sawngbawl dan te, low cost poly tunnel ṭhatnate an zirtir. He hun hi Kolasib KVK senior scientist Dr Michelle C Lallawmkimi'n kaihruaiin, mithiamte'n thil an zirtirte chu a taka hman tum turin kalkhawmte a chah.