Vairengte-ah H1N1 enfiah

H1N1 (Swine Flu) laka Mizoram a him theih nan nimin khan Vai­rengte-a state pawn aṭanga Mizorama lutte enfiah ṭan a ni. Lengpui Airport-ah chuan H1N1 enfiah hna hi February 23, 2015-ah tih ṭan tawh a ni.

Thu dawn danin, Vai­­rengte kawtchhuaha Assam aṭanga Mizorama rawn lutte H1N1 an kai leh kai loh enfiah hna hi Vairengte poilice check­gate-ah zing dar 6-ah ṭan a ni a; nimin khan mi 20 chuang endik an ni.

Doctor duty, Dr Mary Lalrammawii chuan, endik tawhte zingah H1N1 hri kai rinhlelh an la awm lo tih a sawi.