Bru lak let dan tur sawiho dawn

Tripura-a Bru relief camp paruka Mizoram khua leh tui Bru-te Mi­zorama lak lêt tur ngaihtuahin vawiin hian Kanchanpur-ah sorkar hotute an ṭhukhawm dawn a; Mizoram aṭangin sorkar officer-te an tel ang.

Bru lak let dan tur sawihonaah hian Mi­zo­ram sorkar aṭangin Home department addi­tional secretary Lalbiak­zama, Mamit DC Van­lalngaihsaka, Kolasib DC aiawh leh Lunglei DC aiawh te, district pathuma SP emaw, an aiawh emawte leh, Home department officer dangte an tel dawn.

Tripura sorkar aṭang­in Tripura North DC leh Kan­chanpura SDM-te an tel dawn a; Tripura-a Bru camp hrang hrang paruka Bru hruaitute an tel bawk ang.